ದೇವರು ಸತ್ತ ಸುದ್ದಿ
ಕೇಳಿ
ನನ್ನವ್ವ ದೇವದಾಸಿ
ದಿನ ತುಂಬುವುದಕ್ಕಿಂತ
ಮುಂಚೆ
ನನಗೆ ಜನ್ಮವಿತ್ತಳು
ಇಷ್ಟಪಡದೆ ಯಾರದೊ ಕಷ್ಟಕ್ಕೆ
ಹೊರ ಬಂದ ನಾನು
ಬಿಕ್ಕಿ ಬಿಕ್ಕಿ ಅತ್ತಿದ್ದೆ
ದಿನಕ್ಕೊಂದು ಅನಿಷ್ಟಗಳು
ನನಗಂಟತೊಡಗಿದ್ದವು
ಅನಿಷ್ಟಗಳಿಂದ ದೂರ ಮಾಡಲು
ನನ್ನಜ್ಜಿ
ದಿನಕ್ಕೆರಡರಂತೆ ಉಜ್ಜಿ ಉಜ್ಜಿ
ಮೈ ತೊಳೆದಳು
ಅವ್ವ ನೆಲಕಚ್ಚಿದಳು
ದಿನ ಕಳೆದಂತೆ
ಅರ್ಧ ಆಯುಷ್ಯದಲ್ಲಿ ಸತ್ತಿದ್ದ
ದೇವರು
ದೆವ್ವವಾಗಿಯಾದರು ಬಂದು
ಕಾಪಾಡುತ್ತಾನೆ
ಎಂಬ ಹಂಬಲ
ಅವಳ ಸಾವಿನ ಹಾಸಿಗೆಯ
ಮೂಲೆಯಲ್ಲಿ ಗಂಟು ಕಟ್ಟಿತ್ತು
ಅದರೊಳಗೊಂದೆರಡೂ
ರೂಪಾಯಿ
ನಾಣ್ಯಗಳು
ನಸಿ ಪುಡಿ ಅತ್ತಿದ್ದ
ಅಜ್ಜಿಗೆ ಸೇರಿದ್ದ
ಅಡಿಕೆ ಹೊಳುಗಳು
No comments:
Post a Comment