ಕ್ರಿಕೆಟ್ ಮತ್ತು ನಾನು

ಕ್ರಿಕೆಟ್ ಕ್ರಿಡಾಂಗಣದಲ್ಲಿ ಆಡಿದ್ದಕ್ಕಿಂತ ಆರು ಕಲ್ಲು ಹಿಡಿದು ಅಂಪೈರಾಗಿದ್ದೇ ಹೆಚ್ಚು

ತಂಡದ ಎಲ್ಲಾ ಗೆಳೆಯರ ಆಟ ಮುಗಿದ ಮೇಲೆ ಕೊನೆಗೊಂದು ಬಾಲ್ ನಂದು

ಕಷ್ಟಪಟ್ಟು ಬಾಲ್ ಮಾಡಿದಾಗ ಬ್ಯಾಟ್ಸ್ಮನ್ ಸಿಕ್ಸ್ ಹೊಡೆದ

ನನ್ನ ಬದಲು ನಾ ನೇಮಿಸಿದ್ದ ನನ್ನ ಪ್ರತಿನಿದಿ ಅಂಪೈರ್ ನೊ ಬಾಲ್ ಅಂದ

ಬೇಜಾರಾಯಿತು.

ಈ ಸಲ ನಾನು ಮೊದಲು ಬ್ಯಾಟ್ ಮಾಡಲು ನಿರ್ಧರಿಸಿದ್ದೆ

ನನ್ನ ಹಟಕ್ಕೆ ಮಣಿದ ಗೆಳೆಯರ ಪ್ರೀತಿಗೆ ನಾನು ಇಂದಿಗೂ ಚಿರಋಣಿ

ಬ್ಯಾಟ್ ಮಾಡಿದ ಬರದಲ್ಲಿ ಒಂದು ಸುತ್ತು ತಿರುಗಿದ ನನಗೆ ಕಂಡಿದ್ದು

ನಾನೇ ಉರುಳಿಸಿದ್ದ ವಿಕೆಟ್ಗಳು ಮತ್ತು ಕೈ ಜಾರಿ ಮಾರುದ್ದ ಬಿದ್ದ ನನ್ನ ಬಾಟ್

ಹೊಡೆಯುವದು ಮುಖ್ಯವಲ್ಲ ಜೌಟಾಗದಂತೆ ಆಡಬೇಕು ಎನ್ನುವ ಗೆಳೆಯರ ಮಾತಿಗೆ ತಕ್ಕಂತೆ ಆಡಿದ್ದೆ

'ಅಪ್ಪಿ ತಪ್ಪಿ ಬಾಲ್ ವಿಕೆಟ್ಗೆ ಬಿದ್ದರೆ ಎಂಬ ಭಯದಿಂದ

ನಾನೇ ವಿಕೆಟ್ಗಳನ್ನು ಬೀಳಿಸಿದ್ದೆ ಮತ್ತೇ ಬಾಲ್ಗೆ ದಾರಿ ಮಾಡಿಕೊಟ್ಟೆ'- ಎಂದು ಈಗಲೂ ನನ್ನ ಗೆಳೆಯರು ನಗುತ್ತಾರೆ.